राष्ट्रिय विद्यालयस्तरिय बालनाटक महोत्सव २०७६

स्कुल थिएटर नेपालले नेपालमा विभिन्न किसिमका बालनाटक महोत्सवहरु आयोजना गरिरहेको कुरा यहाँहरु सबैलाई थाहै छ । तेश्रो अन्तराष्ट्रिय बालनाटक महोत्सव जेठमा हुँदैछ । जहाँ १५ वटा देशका १०० भन्दा बढी कलाकारहरु सहभागी हुँदैछन् । यो पटक एसियन एकेडेमी फर पिस, रिसर्च एन्ड डेभलप्मेन्टसँग मिलेर राष्ट्रिय बाल नाटक महोत्सव आयोजना गर्दैछौं । यो आयोजनामा हरेक प्रदेशबाट एउटा विद्यालयको नाटक राजधानी ल्याएर मञ्चन गर्ने उद्देश्य रहेको छ । हामी तपाईंको सञ्चार माध्यमबाट उनीहरुसम्म समाचार पुर्याएर नाटकको लागि आवेदन मगाउन चाहान्छौं । सँधैझै समाचार सम्प्रेशन गरिदिन हुन हार्दिक अनुरोध गर्दछु ।

राष्ट्रिय विद्यालयस्तरिय बालनाटक महोत्सवमा सहभागी हुनका लागि केही नियमहरु छन् ।

नियमहरु ः
१. महोत्सवमा सातवटा प्रदेशबाट ८ वटा विद्यालयहरु सहभागी गराईने छ । प्रत्येक विद्यालयले ८ जना विद्यार्थी र २ जना शिक्षक, निर्देशक, प्राविधिक गरि १० जनाको समुह बनाउनु पर्नेछ । विद्यार्थीहरु छनौट गर्दा छात्र र छात्राको संख्या बराबर बनाउनु पर्नेछ ।
२. बालबालिकाहरुले अभिनय गरेको नाटक मात्रै समावेश गरिने छ । लेखन, निर्देशन भने जोसुकैले गर्न सक्नेछन् ।
३. नाटक कम्तीमा ३० मिनेटदेखि बढीमा ६० मिनेटसम्मको हुनुपर्नेछ ।
४. क.शान्ती, ख.अहिँसा (विद्यालयमा हुने शारिरिक सजाए, बच्चाहरुमा हुने घरेलु हिँसा, समुदायमा हुने हिँसा) ग. सामाजिक सदभाव (भेदभाव, समावेशीकरण, हरेक संस्कृतीलाई सम्मान) आदि विषयमा नाटक तयार पार्नु पर्नेछ ।
५. मंसिर ११, १२, १३ गते आयोजना हुने महोत्सव ३ दिनको हुनेछ । सबै विद्यालयहरुको नाटक प्रदर्शन गरिने छ । प्रतिष्पर्धा हुने छैन । महोत्सवको पहिलो दिन सहभागी विद्यार्थीहरुले आफ्नो क्षेत्रको भेषभुषामा सहभागीता जनाउनु पर्नेछ ।
६. नाटकको लागि चाहिने सरसामान, सेट, भेषभुषा, आफैँले बन्दबस्त गर्नु पर्नेछ । थिएटरमा प्राविधिकहरु ऋायोजकले उपलब्ध गराउने छ । प्रत्येक विद्यालयलाई मञ्च व्यवस्थापनका लागि ३० मिनेट समय दिईने छ । मञ्चमा रिहियरसल तालिका पछि प्रदान गरिने छ ।
७. कथावस्तु, विद्यार्थीको नाम र प्रस्तुतीको फोटो, भिडियो असोज महिनाभित्र बुझाईसक्नु पर्नेछ । आवेदन ईमेलमार्फत पठाउन सकिने छ । छनौट समितीबाट नाटक छनौट गरिने छ । आयोजकले नाटकको पुर्वाअभ्यास अवलोकन गर्नेछौं ।
८. नाटकको लागि लाग्ने सम्पुर्ण खर्च सहभागी विद्यालय आफैँले गर्नु पर्नेछ । बाहिरबाट आउने विद्यालयहरुलाई बस्ने खाने व्यवस्था आयोजकले गर्नेछ । नाटक उत्पादन खर्च, भाडा स्वरुप रु २५००० नगद प्रदान गरिने छ । बालबालिकाहरुले प्रमाणपत्र पाउने छन् ।
आयोजकः एसियन एकेडेमी फर पिस, रिसर्च एन्ड डेभलपमेन्ट र स्कुल थिएटर नेपाल।, बानेश्वर

टंक चौलागाँई
महोत्सव निर्देशक
९८४१३६४५४३

Festivals

International

3rd Lalabala Bhadgaun international Children’s Theatre Festival 2020

2nd Kathmandu Aksharaa International Children's Theatre

Bhadguan International Children's Theatre

National

National School Theatre Festival 2076

National Solo Theatre Festival 2017